Денот започнете го со вкусно смуди, во кое ќе искомбинирате слатко овошје со хранлив спанаќ и авокадо за дневна доза калциум, витамин Ц, фолна киселина (витамин Б9) и растителни влакна.
Потребни состојки:
160 г измиени и исчистени јагоди
160 г млад спанаќ
1 мало авокадо, издлабено
150 мл јогурт
исцеден сок од 2 мали портокали
малку изрендана кора од портокал
Начин на подготовка:
- Сите состојки ставете ги во блендер и блендајте додека да добиете потполно мазна смеса.
- Ако ви е многу густо, додајте ладна вода до посакуваната густина.
- Сервирајте го смудито во две чаши и испијте го веднаш.
На здравје!