Д-р Натали Крафорд, која ја проучува човечка репродукција, веќе подолго време на својот профил на Инстаграм објавува совети и едукативни видеа за плодноста, зачнувањето и бременоста. Таа неодамна ги предупреди мажите за пет работи доколку планираат да ја исполнат својата улога како родители.
Според неа, некои лоши навики и тоа како можат негативно да влијаат на квалитетот на спермата, но и да доведат до неплодност. Таа тврди дека мажите кои планираат да имаат бебе треба веднаш да престанат да пушат цигари, но и марихуана, бидејќи е докажано дека го намалува производството на сперма и негативно влијае на нејзиниот квалитет.
Користењето стероиди и слични препарати е исто така забрането ако сакате наскоро да станете татко.
Покрај тоа, д-р Крафорд советува да се исфрли од исхраната внесувањето на масни производи, бидејќи содржат многу лоши хемикалии и други состојки кои влијаат на плодноста.
А како последен, кој е особено опасен, го истакнува држењето лаптоп во скутот. Крафорд предупредува дека топлината што доаѓа од лаптопот додека работи може да ја зголеми температурата во тестисите, а високата температура ги убива сперматозоидите. Оваа лоша и честа навика не само што негативно влијае на плодноста, туку и ја зголемува шансата за појава на тумори поради зрачење.