Потребни состојки:
1 главица ситно исечкан кромид
3 стебленца исечкан целер
2 исечкани моркови
450 г мелено говедско месо
4-5 чаши бујон од коска
250 г боранија
200 г брокула разделена на ситни цветчиња
1 патлиџан исечкан на парчиња
3 репки, излупени и исечени на парчиња
мешавина од италијански зачини
сол, бибер и магдонос по вкус
Начин на подготовка:
- Во тенџере на малку масло ставете ги кромидот, целерот и морковите, посолете и зачинете по вкус.
- Динстајте ја смесата додека да омекне кромидот, потоа додајте го меленото месо и убаво измешајте го да се разбие на ситни парченца. Додајте сол и бибер по вкус.
- Додајте го бујонот и откако чорбата ќе зоврие, намалете ја температурата, додајте ја репката и поклопете го тенџерето со капак, да се вари следните 15 минути.
- Потоа додајте ги боранијата, патлиџанот и брокулата и варете уште 10 минути или додека да се свари зеленчукот.
- По потреба додајте уште зачини и сервирајте ја супата додека е топла, декорирана со ситно сечкан свеж магдонос.
На здравје!