Малку по малку компанијата Karma го претставува својот концепт за автомобил со потписот на дизајнерската легенда Pininfarina.
На новиот тизер, инаку трет по ред, се откриваат малку детали – како страничните сребрени лајсни на прозорите, но поголемиот дел е сокриен во сенка.
Страничниот профил открива дека наликува на моделот Revero, но нема задни врати и е малку подолг од него.
Првиот тизер го покажа предниот дел од автомобилот, ЛЕД светлата и одредени детали што потсетуваат на Lamborghini Centenario, додека вториот тизер го најави задниот дел од автомобилот со ЛЕД светлосна лајсна и централно поставеното лого на Karma.
Ако се суди според тизерите, концептот е вистински магнет за привлекување на внимание.
За дизајнот на концептот на Karma заслужен е Pininfarina, а претставувањето е планирано за Саемот на автомобили во Шангај овој месец.
Заедно со овој концепт, на сцената просторот ќе го делат и подобрениот Karma Revero и веројатно концептот на кросовер.