Потребни состојки:
150 г туна (може и од конзерва)
220 г крем сирење
1/2 чаша павлака
1/4 чаша лимонов сок (по вкус може и повеќе)
1 лажичка сол (или повеќе ако јадете посолено)
4 страка исечкан млад кромид (може да го замените со праз, бел или црвен кромид)
Начин на подготовка:
- Сите состојки ставете ги во процесор за храна или блендер и блендајте додека да добиете мазна конзистенција. Пробајте го намазот и ако има потреба додајте сол и лимонов сок. Ако сакате малку текстура, може дел од кромидот ситно да го исечкате, а остатокот да го изблендате, и дел од туната да ја разделите на ситни парчиња, а остатокот да го изблендате.
- По желба може да додадете и други зачини како магдонос и копар.
- Послужете го намазот со парчиња француски леб, брускети, крекери или чипс.
На здравје!