Потребни состојки:
500 г спанаќ
250 г сирење
3 јајца
2 лажици сусам
сол и зачини по вкус
кашкавал
Начин на подготовка:
- Измиениот и исчистен спанаќ се динста на тивко додека омекне. Кога ќе се олади се процедува убаво водата и спанаќот ситно се сецка.
- Испасираното сирење се мати со три жолчки, кога смесата ќе се изедначи се додава спанаќот.
- Убаво се меша, се додава сол и зачини по вкус, па смесата се става во намрсено тавче.
- Белките се матат пенесто и се истураат врз смесата за печење. Врз белките се ренда кашкавал по желба, се посипува сусам и се пече околу 30 минути на 200 степени Целзиусови.
- Се сервира топол со кисело млеко или со павлака.
На здравје!