Ова колаче лесно се прави и не е скапо, а ретки се оние на кои не им се допаѓа. Од многуте рецепти за него, го издвојуваме овој кој секогаш излегува успешно.
Состојките се однесуваат на помал калап.
Состојки за пандишпанот:
4 жолчки
1 чаша шеќер
1 чаша млеко
1 чаша брашно
1/2 чаша масло
1 прашок за пециво
1-2 лажици какао
Една чаша = 200 мл
Состојки за кремот:
4 белки
5 лажици шеќер
1 ванилин шеќер
Глазура:
1 чоколадо за готвење
1-2 лажици масло
Начин на подготовка:
- Пандишпан: пенесто изматете ги жолчките со шеќерот, па додајте ги останатите состојки. Оваа смеса печете ја околу 40 минути на 180 степени Целзиусови.
- Крем: Изматете ги пенесто белките, постепено додавајќи ги шеќерот и ванилата.
- Кога ќе се испече пандишпанот, врз него сипете го изматениот крем и печете уште 5 минути.
- На крајот прелијте го колачето со глазура од стопено чоколадо.
На здравје!