Потребни состојки:
175 г несолен путер исечен на парчиња
1 чаша шеќер
1/4 чаша мед
1/4 лажичка цимет
1 јајце изматено со жица
1 лажичка екстракт од ванила
2 1/4 чаша саморастечко брашно
Начин на подготовка:
- Во тавче на шпорет измешајте ги путерот, шеќерот, медот и циметот на ниска температура, додека да се стопат путерот и шеќерот и мешавината да се изедначи.
- Тргнете го тавчето од шпорет, пресипете ја смесата во длабок сад и оставете ја да се олади на собна температура.
- Потоа додајте ги јајцето, ванилата и брашното и убаво измешајте. Со лажица вадете топчиња од смесата и ставајте ги на хартија за печење во тепсија, на растојание од 4 см меѓу нив. Нежно измазнете го со виљушка секое топче.
- Печете ги на температура од 180 степени Целзиусови, додека да добијат златножолта боја. Послужете ги откако ќе се оладат.
На здравје!