Американската тенисерка Серена Вилијамс (40), синоќа во Торонто ја постигна првата победа во сингл конкуренција на ВТА турнејата по 14 месеци.
Во дуелот од првото коло, легендарната тенисерка ја победи Шпанката Нурија Паризас Дијаз (57. ВТА) со 6:3, 6:4.
Серена, исто така, стана четвртата тенисерка во историјата која победила на ВТА турнејата откако го прослави својот 40-ти роденден, придружувајќи им се на нејзината постара сестра Венус, Јапонката Кимико Дејт Крум и Мартина Навратилова.
„Сепак има светлина на крајот од тунелот. Се чини дека се доближувам до светлината… Така е во последно време. Едвај чекам да стигнам до светлината“, изјави Серена по победата.
Инаку, таа со 35 победи на Канадиjан опен стана најуспешната тенисерка на тој турнир.
Во второто коло ќе игра против победничката од дуелот меѓу чешката квалификантка Тереза Мартинцова и актуелната олимписка шампионка Белинда Бенчиќ од Швајцарија.
На останатите натпревари немаше многу изненадувања, па во второто коло се пласираа Лејла Фернадез, Каролина Плишкова, Симона Халеп…