Последниот резултат на соработката на автомобилската компанија Волво и веќе самостојната компанија Полстар, се два нови plug-in хибридни модели кои од летото што доаѓа ќе се приклучат на веќе презентираниот хибриден модел S60 Polestar Engineered. Тоа се моделите XC60 и V60.
Рецептот на Полстар носи дволитарски, четирицилиндричен турбобензинец, кој во комбинација со механички компресор и електромотор, на возачот му испорачува 420 коњски сили и вртежен момент од 669 Nm.
Со понудениот капацитет на батеријата и без никаква асистенција на бензискиот мотор, моделите имаат автономија од 45 километри, а просечната декларирана потрошувачка на гориво е малку над 2 литра на поминати 100 километри. За пренос на силата задолжен е автоматски менувач со 8 степени на пренос.
Веќе промовираниот S60 Polestar Engineered е изработен во многу мала серија и биле распродадени за помалку од еден час.
Најавено е дека новите два модела ќе бидат изработени во поголема серија.
Верзиите од Полстар ќе се разликуваат од стандардните на Волво по неколку детали: ќе имаат различни алуминиумски бандажи и ќе бидат додадени естетски додатоци кои ќе укажуваат на Полстар.