Дури и најубавите жени можат да имаат неуспешни врски. Во случајов, и Шарлиз Терон е една од нив. Таа е десет години сама, но сè уште не ја губи надежта дека ќе ја сретне љубовта на нејзиниот живот.
На промоцијата на нејзиниот најнов филм Long Shot, во кој партнер ѝ е Сет Роген, вели дека е сама бидејќи очекува мажите да ѝ пријдат и да остварат конатакт, но како што вели – тие или се плашат или не сакаат.
“Веќе 10 години сум сама. Некој само треба да собере храброст и да ми пријде. Неверојатно е колку сум достапна”, изјавила Терон.
Всушност, изјавата дека 10 години е сама баш и не е комплетно вистинита. Во 2015 година Шарлиз беше во кратка врска со Шон Пен.
“Бевме во кратка врска, но не функционираше. Двајцата решивме да ја прекинеме врската и тоа е тоа”, изјави Терон за врската со Шон Пен во 2016 година за Wall Street Journal.
Пред врската со Шон Пен, актерката беше во врска и со актерот Стјуарт Таунсенд, која ја прекина во 2010 година.