Citroen ги продаде сите 50 возила My Ami Buggy за многу кратко време.
Citroen започна со производство на возилото минатата недела, а сите планирани примероци „изгореа“ многу брзо, поточно за 17 минути и 28 секунди.
My Ami Buggy е наменет исклучиво за францускиот пазар, а испораките се очекуваат во август. Четирициклот нема врата, но има ткаенина што може да се навлече во случај на врнежи.
Возилото го придвижува мотор кој испорачува 8 КС, а има и батерија од 5,5 kWh. Максималната брзина е 48 km/h, а досегот е 76 километри.
Citroen My Ami Buggy го започна својот живот како концепт во декември 2021 година.