Филмот „Господ постои, името ѝ е Петрунија” на Теона Стругар Митевска, на штотуку завршениот Деа филмски фестивал во Тирана (од 2 до 8 Мај) освои две награди, и тоа главната награда за најдобар филм и наградата за најдобра женска улога која ја доби Зорица Нушева, за нејзината восхитувачка интерпретација на Петрунија.
Петчленото жити предводено од холанѓанката Клаудија Лансгенберг, со голема радост и оптимизам за балканската кинематографија го соопшти главниот победник „Господ постои, името ѝ е Петрунија” на Теона Стругар Митевска.
На церемонијата во Тирана присуствуваа нашите двајца актери Зорица Нушева и Џевдет Јашари, кои ги примија наградите.
„Петрунија” во месец мај ќе биде претставен на три фестивали, и по Tirana FF, Albania – http://deafilmfest.al патува на фестивал во Романија Transilvania FF, https://tiff.ro/en, каде што филмот е откупен и за кино дистрибуција, и оттаму и во Украина, каде што исто така ќе се дистрибуира, а ќе биде претставен најпрво на Molodist Film Festival, Kiev https://molodist.com/en/.