Наука

Сонцето поминува низ циклуси, а во моментов е во фазата на голем соларен минимум

Нашата најголема sвезда, Сонцето, поминува низ различни фази и промени, исто како нас. Во моментов доживува помалку активна фаза наречена соларен минимум. Имено, Сонцето поминува низ редовни 11-годишни циклуси кои се поврзани со промени во бројот и интензитетот на сончевите места, но и со другите сончеви активности. За време на сончевиот максимум, Сонцето има повеќе сончеви точки и соларни факели. Во сончевиот минимум, нашата sвезда е многу помирна, односно има помалку сончеви точки и енергија. Научниците од НАСА велат дека во моментот е на „голем соларен минимум“. Последниот пат кога се случило тоа, било помеѓу 1650 и 1715 година, кога таканареченото мало ледено доба било евидентирано во северната хемисфера на Земјата и кога „комбинацијата од вулканско аеросолно ладење и ниска сончева активност довела до пониски температури“. Но, нема причина да се плашиме, експертите веруваат дека со овој голем соларен минимум нема да започне ново ледено доба, најверојатно поради климатските промени, пишува Си-Ен-Ен. „Затоплувањето предизвикано од емисиите на стакленички гасови од согорувањето на горивата, е шест пати посилно од потенцијалното децениско ладење предизвикано од продолжениот висок соларен минимум“, пишува НАСА. „Дури и ако големиот соларен минимум трае сто години, глобалните температури ќе продолжат да растат, бидејќи тие се под влијание на многу повеќе фактори од самиот сончев циклус. Најдоминантен фактор е затоплувањето предизвикано од човекот, од ефектот на стаклена градина“, објаснува вселенската агенција. Научниците знаат кога доаѓа до соларен минимум затоа што станува збор за редовни циклуси. Сончевите дамки го достигнаа својот врв на активност во 2014 година, а минимумот започна во 2019 година.

Слични написи

Климатските промени и недостигот на пиво

admin

Поголемиот дел од бебињата родени во Англија и Велс во изминатата година, ги родиле немажени мајки

dart

На кои начини комуницирале диносаурусите?

Biba

Овој сајт користи колачиња за подобрување на корисничкиот интерфејс. Прифати Прочитај

Почитувани! Не е дозволено копирање на текстови од Прекрасен свет.