Познатиот холивудски актер Двејн Џонсон, попознат како The rock, изјави дека по трагедијата на снимањето на филмот „Rust“ повеќе нема намера да користи вистинско оружје на снимањата, пишува Си-Ен-Ен.
Џонсон истакна дека е длабоко потресен од трагедијата што се случила на снимањето на филмот „Rust“, и дека има намера да направи еден од првите чекори кои ќе донесат промени во холивудската филмска индустрија.
“Ќе почнеме да користиме гумени пиштоли, сè што не е снимено правилно ќе биде дополнително обработено во постпродукција. Не ни е грижа за заработката. Не ни е грижа колку ќе чини”, одлучно рече тој.
Да потсетиме, Алек Болдвин ненамерно ја уби директорката на фотографија Халина Хачинс и го рани режисерот Џоел Соуза при снимањето на „Rust“ кон крајот на октомври.
Болдвин од почетокот на истрагата соработува со полицијата и семејството на жртвата, а наскоро ќе се знае зошто во пиштолот немало обични празни куршуми и кој ги ставил вистинските куршуми во оружјето.