Алцхајмеровата болест може донекаде да се ублажи ако се открие на време, но не е лесно да се препознаат симптомите, а тоа сега може драстично да се промени.
Во истражување на научниците од Универзитетот во Калифорнија, утврдиле дека новоразвиениот систем на вештачка интелигенција може да помогне во откривањето на Алцхајмеровата болест шест години порано отколку што е тоа возможно со постоечките методи.
Системот користи снимки од активноста на мозокот и со 100% точност детектира промени кои човечкото око не може да ги забележи.
Во развивањето на системот се користени 2100 снимки собрани од 1002 лица. Досегашните тестирања се направени со учество на 40 испитаници, а резултатите ги објави списанието Radiology.