Подготвувањето храна во машина за миење садови станува тренд низ светот. Продуктите за одредено јадење едноставно се ставаат во тегла, убаво се затвораат и се ставаат во машината. Во исто време може да се измијат садовите и да ги сварите прехранбените продукти.
Постојат и прирачници за приготвување храна на овој начин. Еден од нив е “Lavastoviglie”, од авторката Лиса Касали од Милано. Таа е еколошка активистка која веќе 10 години готви на овој начин. Од нејзината машина за миење садови излегуваат и готови десерти.
Касали вели дека тоа е едноставен начин за приготвување храна при кој не се шират мириси насекаде низ домот.
Многу експерти овој начин го споредуваат со францускиот “sous vide” каде продуктите се готват споро и долготрајно поради ниската температура.
Инаку, овој метод е погоден за продукти на кои не им е потребно многу време и висока температура за да се подготват, и при тоа да се безбедни за јадење. Храната се приготвува на температура од 60-70 степени, а тајната е во тоа што се вари пополека во пареа и топла вода.
Се нагласува дека на овој начин не смее да се подготвуваат продукти како свинско, телешко и пилешко месо, но затоа рибата и зеленчукот се идеални.
Погледнете го видеото за принципот на готвење во машина за миење на садови.