Македонската филмска екипа која пред две години освои прво место на “Film Convert Competition” со краткиот филм “Farewell” за бесцелноста на војната, во режија и продукција на Пеце Здравковски, повторно е во трка за првото место, но овој пат на поголем натпревар од интернационален калибар.
Краткиот филм „Dogs of War” е единствениот претставник од Македонија и се натпреварува за прво место на најголемиот интернационален натпревар за краток филм „My Rode Reel” , организиран од компанијата RODE.
Филмот е драма во која се зборува за изборот помеѓу чесност и материјализам – изборот е очигледен. На разбојник фатен на сред ограбување патрола, единствениот начин да се спаси е да го изманипулира својот поранешен колега.
Инаку, гласањето за избор на најдобар филм трае до 5 септември и се врши на линкот https://www.rode.com/myrodereel/watch/entry/6078 . На овој линк воедно може и да се погледне филмот.
Во моментов „Dogs of War” е на 3 место од вкупно 1616 филмови од цел свет.