Познатиот актер Кевин Спејси ќе мора да плати речиси 31 милион долари на студиото за кое ја сними серијата „House of Cards“ на Нетфликс.
Спејси беше принуден да плати огромна сума пари за прекршување на договорот што вклучува обвиненија за сексуална злоупотреба. Оваа одлука беше донесена во тајност минатата година, но беше објавена во понеделникот. Актерот беше обвинет за сексуален напад во 2017 година, но досега негираше одговорност.
62-годишниот актер ја загуби улогата во серијата „Куќа од карти“ и е настрана откако беше обвинет дека со своите несоодветни коментари и допирајќи ги младите вработени создава „токсична“ работна средина на сетот.
Студиото MRC и Neflix го отпуштија Спејси и загубија милиони долари бидејќи работата на новата сезона веќе започната. MRC поднесе тужба во јануари 2019 година барајќи плаќање на трошоците и тврдејќи дека однесувањето на Спејси ги прекршило правилата на договорот.
На судското рочиште во февруари минатата година се појавија повеќе од 20 лица, а пресудата беше донесена пет месеци подоцна во корист на студијата.
Актерот беше обвинет од актерот Ентони Рап тврдејќи дека инцидентите се случиле кога имал 14 години. Спејси рече дека не се сеќава на тоа и додаде дека му должи на Рап најискрено извинување за она што би било длабоко несоодветно однесување додека бил во алкохолизирана состојба“. Актерот исто така рече дека е геј и беше критикуван за поврзување на неговото извинување за наводното предаторско однесување со неговата сексуална ориентација.
Потоа следеа уште неколку слични обвинувања против актерот, кој поради тоа загуби неколку улоги, но годинава се врати на актерството со мала улога во нискобуџетен италијански филм.