Венчавката која неодамна се одржа во Јапонија, на која присуствуваа 40 гости, е многу несекојдневна и чудна.
Јапонецот Акихико Кондо реши да се ожени со холограмската пејачка Хацубе Мику и иако на венчавката присуствувале 40 гости, ниеден од нив не бил дел од неговото семејство.
За венчавката Акихико потрошил скоро 18.000 долари.
За тоа што неговото семејство и мајка му не присуствувале на венчавањето, тој изјавил:
“Мајка ми сметаше дека нема причина за славење и затоа реши да не присуствува на венчавката”.
А за неговата љубов кон сопругата, вели:
“Никогаш не сум ѝ бил неверен. Отсекогаш сум ја сакал”.
Иако тој ја заврши церемонијата и себеси се смета за оженет човек, бракот сè уште не е легален.
Компанијата која ги изработува холограмите му издала сертификат и потврда за венчавањето, на која е напишано дека Акихико Кондо и неговата сопруга се венчани над сите димензии.