Ауди го претстави новиот концепт на возило со назив AI:TRAIL Quattro, возило кое носи дизајнерски новитети и решенија за идните SUV модели.
Огромните теренски гуми, транспарентни делови кои ја зголемуваат видливоста, речиси целосно стаклен и проѕирен покрив, се само дел од новитетите и решенијата кои ги носи овој концепт на ауди.
Она што е специфично за овој концепт е тоа што возилото нема стандардни фарови, туку има дронови кои се позиционирани на покривот и на барање на возачот може да полетаат и да го следат движењето и осветлувањето на теренот. Исто така, дроновите го снимаат возењето и теренот и во реално време го прикажуваат на дисплејот во кабината.
Погонот, се разбира, е електричен, составен од 4 електромотори кои заедно даваат моќ од 435 коњски сили и со сигурност овозможуваат одлични маневарски особини.
Според проценката од Ауди, возилото би имало автономија од 500 километри на асфалт и 250 километри на груби терени, а брзината е лимитирана на 130 км/ч.
