Лушпите од јајца можат да помогнат вашата градина да напредува на многу начини. Полни се со калциум, ги одбиваат полжавите, а во случај да ги имате многу може да се користат и како средство против плевел.
Пред да ја ставите во земја лушпата прво треба да се изрони и да се измеша со малку вода.
Ѓубриво
Кога се ставаат во почвата, мелените лушпи им го обезбедуваат на растенијата потребниот калциум. Иако азот, фосфор и калиум се најважни за здрав раст, калциумот е исто така суштински за изградба на здрави растителни клеточни ѕидови.
Бидејќи се составени од калциум карбонат, лушпите се одличен начин да се внесе овој минерал во почвата. За да ги подготвите сомелете ги со миксер или толчник и ставете ги во земја. Бидејќи се потребни неколку месеци корените на растението да ги апсорбира, се препорачува тие да се додадат во почвата наесен.
Иситнетите лушпи измешани со друга органска супстанца на дното на дупката во која имате намера да го засадите растението, ќе им помогнат успешно да се развијат и да дадат плод. Понекогаш е добро да се измешаат со талог од кафе, кој е богат со азот.
Конечно, лушпите од јајцата ќе ја намалат киселоста и ќе помогнат при збогатувањето на почвата со кислород.
Контрола на штетници
Се вели дека покривката од мелените лушпи од јајца во градината помага да се одвратат неколку видови штетници, големи и мали. Многу градинари, исто така, велат дека користат мелени лушпи од јајца како лек против полжави.
Храна за птици
Како и растенијата и луѓето, птиците исто така имаат корист од ниската содржина на калциум во нивната исхрана, особено женките на кои им е потребно повеќе калциум пред и по несењето јајца.
За да направите храна за птици, почнете да ги стерилизирате лушпите така што ќе ги оставите во рерната откако ќе го испечете оброкот. Потоа издробете ги на ситни парчиња и измешајте ги со вашите омилени семки.