Дигиталниот бум и сè поголемата употреба на социјалните мрежи за комуникација, несомнено доведоа до зголемување на онлајн запознавањата. Сè повеќе луѓе комуницираат онлајн и голем број на интимни познанства и пријателства се создаваат во дигиталниот свет.
Следуваат неколку совети за начинот на комуникација и спријателување преку интернет.
Сте решиле да запознаете некој нов пријател и за таа намена посегнувате по интернетот. Генерално тоа е добар потег, проактивен и смел, но бидете многу внимателни за да не направите некоја од грешките што најчесто се прават, и со тоа да се доведете во многу незгодна и непосакувана ситуација.
Најнапред на нагласиме дека во никој случај не би требало да се залетате на самиот почеток со споделување на фотографии од најразличен тип. Тоа е најважното нешто кога се решавате за онлајн запознавање, кога сакате да си најдете девојка или момче на интернет.
Ако иницијалното запознавање доведе до понапредна форма на комуникација, тоа нека биде споделување на афинитети за кино, книги, музика. Обидете се да направите обична анализа на мрежата преку која го барате своето момче или својата девојка, за типот на луѓе што се присутни, за нивните афинитети, искуства. Така ќе можете полесно да увидите во кој дијапазон би ви се наоѓала потенцијалната девојка или потенцијалното момче.
Гледајте најчесто да ги игнорирате пофалните информации што корисниците ги ставаат за себе на профилите. Најдете начин тоа да го дознаете директно од личноста, без да мора да се прашувате што сè е вистинито од она што корисникот го напишал во профилот.
Најважно од сè е да добиете можност интеракцијата да ја пренесете во живо, да го запознаете лицето кое е ваш интерес. Најдете се во кафе бар, ресторан и вербално запознајте се. Така најдобро се спознава карактерот на човекот.
И на крај да додадеме дека е погрешно однапред во главата да формираме некаква слика за лицето со кое сакаме да се запознаеме. Онлајн комуникацијата и преголемите очекувања знаат многу често да разочараат.
Бидете внимателни.