Ford Shelby Mustang GT 500 со 760 коњски сили, на американскиот пазар ќе се појави во 2020 година со подобрена шасија, аеродинамика и со нов мотор.
GT 500 ќе го придвижува рачно изработен 5,5-литарски V8 мотор со суперполнач и огромна моќ од 760 коњски сили, вртежен момент од 847 њутн метри и ќе биде најјакиот продукциски V8 мотор со суперполнач на светот.
Силата ќе се пренесува со автоматски менувач со 7 степени на пренос и на задните тркала ќе се праќа со карбонско вратило, а промената на брзината ќе се случува за неверојатни 100 милисекунди.
Сите спецификации не се сè уште објавени, но се знае дека забрзувањето од 0-100 км/ч ќе биде за околу 3 секунди.
GT 500 ќе биде опремен со лесни спирали, активни амортизери, сопирачки од брендот Брембо, Мишелин Пилот Спорт 4С гуми. Исто така, ќе го има line-lock системот, кој ќе ги блокира предните тркала и ќе му овозможи на возачот да ги “запали” задните гуми. Од Форд подготвија и пакет за подобро управување на возилото.
Цената на Ford Shelby Mustang GT 500 со 760 коњски сили, сè уште не е позната.