Новиот спортски автомобил на Тојота светлоста на денот ќе ја види во јануари на Салонот на автомобили во Токио.
Новиот GR Yaris е наследник на претходниот модел Yaris GRMN кој беше произведен во мал број на примероци.
Тојота во наследникот ги има вметнато сите согледувања и искуства поминати со GRMN и со тоа се надева дека ќе прикаже модел кој ќе биде технолошки напреден и ќе биде пример на рели-шампионатите. Gazoo Racing е називот под кој Тојота се натпреварува во светскиот рели-шампионат.
По минатогодишното претставување на легендарната Supra се очекува GR Yaris да биде вториот потполно спортски автомобил кој ќе биде понуден на љубителите на спортски автомобили произведени од Тојота.
Според менаџментот, учеството во рели-трките овозможува создавање и на подобри патнички автомобили.
Спецификацијата на новиот GR Yaris сè уште не е позната и со нетрпение се очекува од сите љубители на автомобилизмот.
