Потребни состојки:
4 чаши брашно
2 лажички сол
2 1/2 лажички сув квасец
2 чаши топла вода
1 лажичка путер
4 лажици маслиново масло
италијански зачин (или други зачини по ваш избор)
крупна морска сол
Начин на подготовка:
- Во поголем длабок сад ставете ги брашното, солта и квасецот, и добро измешајте. Додајте ја водата и со цврста дрвена лажица измешајте го тестото да добиете еднолична смеса. Покријте го садот со пластична фолија и чувајте го фрижидер најмалку 8 часа (меѓу 8 и 24 часа).
- Тавата во која ќе го печете лебот намастете ја со путер, ставете хартија за печење и намастете ја и хартијата. Најдобро е да се пече во две округли тави со димензија 22 см. Тестото поделете го на две половини, секоја половина ставете ја во тава, намачкајте го тестото со маслиново масло и покријте го со пластична фолија. Оставете го да остои барем два часа надвор од фрижидер пред печењето.
- Рерната загрејте ја на 230 степени Целзиусови. Уште еднаш премачкајте го тестото со маслиново масло и со мрсни прсти со двете раце направете длабоки дупчиња во него. Наросете крупна морска сол и зачини по ваш вкус, на пример: рузмарин, мајчина душичка, жалфија, магдонос, мешавина од италијански зачини и друго, или семиња: сусам, ленено семе, семки од сончоглед…
- Ставете ја тавата во рерна и намалете ја температурата на 220 степени Целзиусови. Печете го лебот 20-30 минути или додека кората да добие златножолта боја. Сервирајте го додека е уште топол или откако ќе се олади.
На здравје!