Потребни состојки:
тиквички (количина по желба)
брашно
јајца
лебни трошки
пире во прав
сусам за наросување
сол и зачини по вкус
масло
Начин на подготовка:
- Тиквичките излупете ги, исечете ги на тркалца или на плочки со дебелина од 5 мм, посолете ги и оставете ги да пуштат вода.
- Во еден сад со виљушка изматете ги јајцата да станат течни (може да им додадете сол и зачини по вкус), во друг сад ставете го брашното, во трет сад измешајте еднакви количини на лебни трошки (презла) и инстант пире во прав.
- Тиквиците процедете ги од водата. Секое парче тиквичка извалкајте го прво во брашното, потоа во јајце и на крај во мешавината со пире и презла. Редете ги тиквичките во тепсија обложена со хартија за печење и премачкана со зејтин. На крај врз тиквиците посипете сусам и испрскајте зејтин.
- Печете ги во рерна загреана на 180 степени Целзиусови, по потреба превртете ги и на другата страна. Кога ќе добијат златнокафеава боја извадете ги од рерна и ставете ги на хартија да се впие вишокот масло.
- Може да ги послужите и ладни и топли со сос по ваша желба или како гарнир.
На здравје!
