Сексот и страста, како и сè останато, имаат свои подеми и падови. Но, како што велат психолозите – доколку се вложи повеќе труд и се има волја, страста може да се задржи колку и да е долга врската. Според нив, постојат осум сексуални фази низ кои поминуваат паровите кои се заедно долго време.
- Прва фаза. Опседнатост, желба и страст. Оваа фаза ја следи еуфорија и опиеност од партнерот. Во оваа фаза страста е на својот максимум. Мозокот произведува огромни количини на хормони на среќа (серотонин и допамин), а во телото се случува експлозија на енергија. Оваа енергија паровите најмногу ја користат за секс, кој во оваа фаза се практикува многу често и во огромни количини. Паровите се незаситни еден од друг.
- Втора фаза. Долги галења и долги предигри. После првата фаза на долг и енергичен секс, настапува фазата на галење. Предигрите се подолги отколку во првата фаза. Чувството на сигурност е многу поважно од брзиот секс во ходникот додека се подготвувате за одење на работа. Полека поминува слепата вљубеност и може да се претпостави каков би ви бил сексуалниот живот понатаму.
- Трета фаза. Игра на моќ. Во оваа фаза се случуваат борби за моќ, кој ќе биде “шеф” во домот, креветот. Се појавуваат караници кои стануваат сè поинтензивни и почести. Партнерите почнуваат да го користат сексот како оружје за казна или начин на постигнување на нешто што се сака.
- Четврта фаза. Кокетирање со други. Партнерите во оваа фаза спознаваат дека има и други околу нив. Почнуваат да трагаат по начини за исполнување на потребите кои партнерот не може или не сака да им ги исполни. Реткост е двата партнера во оваа фаза да го практикуваат тоа и никој да не биде неповреден. Сето ова се рефлектира на сексуалниот живот и партнерите сè повеќе ги забележуваат разликите.
- Петта фаза. Децата се приоритет. Оваа фаза често се нарекува родителска фаза, кога партнерите се навикнуваат на новите улоги. Неспиењето поради обврските околу децата директно влијаат на сексот, и во оваа фаза возбудата е на најниско ниво.
- Шеста фаза. Сексот е рутина. Љубовната врска или бракот, без оглед дали имате деца или не – преоѓа од забавна во функционална. Заедно сте изградиле тим кој одлично функционира. Сексот е рутински, страста и креативноста речиси исчезнале. За да се преброди оваа фаза треба да се вложи повеќе труд и желба. Браковите многу често во оваа фаза се распаѓаат.
- Седма фаза. Стареете заедно. Во оваа фаза најчесто децата го напуштаат домот и ова е период кога паровите најчесто се посветуваат еден на друг. Сексот не е толку честа појава, но затоа квалитетот е на завидно ниво. Во оваа фаза паровите се посветуваат на сопственото уживање.
- Осма фаза. Повторно вљубени. Некои знаат да речат дека оваа фаза е најслатката фаза на сексуалниот живот. Сè знаете, сè сте поминале. Ова е фаза на уживање, поврзување, нежности и безброј бакнежи.