Основачот и директор на компанијата SpaceX Илон Маск, објави фотографија на која се наоѓа пробното летало наречено Starship.
Маск објави дека пробната верзија на “ѕвездениот брод” конечно е составена и завршена на локацијата за лансирање во Бока Чика Вилиџ во државата Тексас во САД.
Ова летало ќе се користи за пробни вертикални суборбитални лансирања, а орбиталната верзија на леталото ќе биде повисока, ќе има подебели ѕидови и поинаку изработен врв. Според Маск, компанијата би требало до јуни да го има првиот орбитален прототип.
Starship е нова класа на летала која ќе ги замени постоечките, а ќе овозможи потенцијални мисии на Месечината и на Марс.
