Иако постои само еден месец, Kudadoo со својот луксуз, прекрасно опкружување и изглед како од соништата, е прогласен за најдобриот ресорт на светот.
Станува збор за приватен остров со 15 луксузни апартмани дизајнирани и изградени на принципот за одржлив развој, сместен на Lhaviyani Atol оддалечен 40 минути со авион од аеродромот Male на Малдивите.
Има огромен број содржини кои го прават најдобар, како бескраен базен од 44 метри квадратни, ресторан под површината на морето, соларни панели кои комплетно го снабдуваат со електрична енергија, спа третмани, маникир и педикир, различни масажи, советник за здравје и исхрана, до комора со хималајска сол.
Цената за ноќевање во овој луксуз е 3.300 долари.
