Select Page

Откриена е нова егзопланета два пати поголема од Земјата

Откриена е нова егзопланета два пати поголема од Земјата

Студентката Мерин Петерсон од Универзитетот Монтреал не можела ни да претпостави какво откритие ја чека веќе на првата година на студиите по физика. Таа открила нова егзопланета.

Петерсон и нејзините колеги ја пронашле планетата работејќи со нивниот професор Бјорн Бенеке. Оваа студентка повлекувала информации од Кеплеровиот телескоп на НАСА и ги пуштала низ програма осмислена да помогне во идентификација на потенцијални егзопланети.

“Тоа не е едноставна потрага по игла во пласт сено, тоа е како да барате нешто што го нема. Сфативме дека има нешто таму кога ни стана јасно дека нешто ја блокира светлината на ѕвездата”, вели Петерсон.

Новата егзопланета Wolf 503b е двојно поголема од планетата Земја, оддалечена е 145 светлосни години и се наоѓа во соѕвездието Девица.

Постојат многу егзопланети со иста величина – голем број од нив се наоѓаат во галаксијата Млечен Пат и нивната орбита околу ѕвездите е слична со Wolf 503b. Со оглед на тоа дека во нашиот сончев систем нема планети со таква величина, астрономите не се сигурни дали Wolf 503b е составена од гас или од карпи.

“Беше неверојатно возбудливо. Мојот ментор ја нарекува моја планета бидејќи јас пишував труд за неа, но јас сметам дека тоа е тимска работа”, вели Петерсон.

Според НАСА, секоја ѕвезда видлива со голо око е опкружена со планети – некои од нив се парчиња мраз во вселената, а некои се гасови.

Наши пријатели

Патување низ времето

Follow Us

Почитувани! Не е дозволено копирање на текстови од Прекрасен свет.