Џенифер Лопез го живее еден од најдобрите периоди од својот живот, кога сè и оди од рака. Ја заврши тригодишната турнеја “All I have” која од продажба на билети ѝ донесе заработувачка од 100 милиони долари.
“Игравме заедно, делевме љубов. Ве сакам луѓе. Беше магично. Благословена сум што ве имам. Ви благодарам за поддршката” рече Лопез.
Поддршка ѝ давааа и нејзиниот партнер Алекс Родригез кој беше на секој концерт заедно со своите ќерки Наташа (13) и Ела (10).
“Да имам таков партнер кој ми дава поддршка, ме сака, го сака тоа што го работам, не ме гуши туку ме турка напред, е нешто што ни во сон не сум помислила. Тоа што имам таква љубов и поддршка прави да се чувствувам како да лебдам, и затоа сум среќна” рече Џеј Ло.
На последниот концерт од тригодишната турнеја, во публиката беа и Коби Брајант со сопругата Ванеса, Антони Андерсон, Диди.
Нејзиниот хит “Dinero” кој го објави пред 4 месеци со Карди-Б и Ди Џеј Калед е прв на топ листите во јужна Америка, што е додатна причина за среќа.
Во последните 3 години нејзините концерти ги виделе повеќе од 200 ѕвезди меѓу кои Џастин Бибер, Ким Кардашијан, Дру Баримур, Селена Гомез, Гвен Стефани и многу други.
Одржа 100 концерти, од кои во последниот месец дури 15.