Извршниот одбор на УЕФА реши да го воведе VAR (video assistant referees) системот и во Лига на шампиони. Правилото ќе стапи на сила од сезоната 2019/2020.
“Сигурни сме дека имаме доволно време да го вградиме VAR системот и да ги обучиме судиите и службените лица за негово користење”, изјави претседателот на УЕФА Александер Чеферин.
Ждрепката за квалификациите за ЕУРО 2020 ќе се одржи во Даблин, на 2 декември, во 11 часот по локално време, и ќе бидат 10 групи по 5-6 екипи, кои ќе дадат 20 учесници, а останатите 4 ќе се добијат од плејоф од Лига на нациите.
Ден подоцна исто во Даблин ќе се одржи ждрепка за завршниот турнир на Лигата на нации.