Легендарниот фудбалер на Рома, Франческо Тоти, вети дека лично ќе му го предаде дресот со број 10 на Пол Дибала доколку аргентинскиот фудбалер дојде во римскиот клуб ова лето.
На Дибала му истече договорот со Јувентус и тој стана слободен играч, а најсериозни кандидати за неговиот потпис се Интер и Рома.
„Не сме разговарале за тоа, но има уште време. Ќе се обидам да го убедам да дојде во Рим. Би сакал да му го дадам бројот 10 доколку дојде во Рома, но јас не одлучувам“ – изјави Тоти.
Тоти собра 786 настапи во 25 сезони во дресот на првиот тим на Рома, постигна 307 гола и освои пет трофеи.