Титаник, најпознатиот брод кој имаше трагична судбина пред нешто повеќе од 100 години, ќе добие своја реплика. Бродот идентичен на претходникот, ќе го носи името Титаник 2.
Се очекува во 2022 година да исплови од Дубаи. Ќе може да превезува 2400 патници и 900 членови на екипажот, што е скоро ист број на патници како во 1912 година.
За разлика од претходниот, овој ќе има многу повеќе бродови и опрема за спасување. По испловувањето бродот ќе тргне кон Саутемптон, градот од кој првиот Титаник го започна своето патување. Ќе плови 2 недели, а потоа од Англија, преку северниот Антартик ќе продолжи кон САД.
Откако ќе го заврши своето ретроспективно патување, Титаник 2 ќе се користи за крстарења.
Изградбата на Титаник 2 беше најавена уште 2015 година, а цената ќе биде 500 милиони долари.
Внатрешноста ќе биде идентична како на претходникот, со додатоци од модерна технологија.