По сè изгледа дека од Самсунг намирисаа ново поле за профит – пазарот на дронови. Ако се суди според сликите кои се објавени, нивниот дрон би требало да изгледа како од филмовите за Трансформерите и ќе ја менува формата.
Самсунг, патентот за нивниот дрон го пријавија во американското патентно биро. Патентот не е за било каков дрон, туку за променлив дрон.
Се очекува тој да биде целосно компатибилен со Галакси линијата на мобилни уреди и да направи комплетно заокружување на технологијата.
Се наведува дека ќе има склопливи краци, мноштво од сензори како камера, жироскоп, барометар, компас, сензор за температура, ултразвук и многу други.
Ќе има свој далечински управувач, но сигурно ќе може да се управува и со смартфони, таблети или персонални компјутери.