Потребни состојки:
3-4 кришки стар леб
1 чешне ситно исечкан лук
50 г испасирано сирење
3 јајца
3 лажици павлака или млеко
1 лажица ситно исечкан магдонос
зачини по вкус (буковец, црвен бибер, ким)
Од оваа количина излегуваат 6 плескавици.
Начин на подготовка:
- Лебот исечкајте го на ситни коцки и ставете го во подлабок сад. Додајте го лукот, сирењето, млекото и јајцата изметени со виљушка. Со лажица измешајте ја смесата да се изедначи и лебот да впие од течноста.
- Во тава на средна температура ставете масло да се покрие дното и со лажица обликувајте ги плескавиците во тавата. Пржете ги додека да добијат златножолта боја од двете страни. По пржењето ставете ги на хартија да се впие вишокот маснотија.
- Сервирајте ги топли со кисело млеко или јогурт.
На здравје!