Обично кога се зборува за палачинки, се подразбира приготвување на смеса од јајца, брашно и млеко. Но, во ситуација кога не смеете да консумирате млеко или јајца, или и млеко и јајца, тогаш варијантата без јајца и млеко ќе ви биде повеќе од корисна.
Потребни состојки:
1 л вода (обична или минерална)
500 г брашно
1/2 ќесичка прашок за пециво
4 лажици шеќер
1 ќесичка ванилин шеќер
1/2 лажичка сол
изрендана кора од 1/2 лимон
Начин на подготовка:
- Сите состојки измешајте ги со миксер со половина од водата додека да се соединат.
- Потоа додајте го остатокот од водата и матете додека да исчезнат грутките.
- Оставете ја смесата да отстои 15-30 минути. Палачинките печете ги на зејтин или на путер.
- Послужете ги со фил по ваш избор.
На здравје!