Сцена

Новиот документарен филм за Битлси носи необјавени снимки од периодот пред разделувањето

 

Редителот Питер Џексон монтирал 57 часа снимка стара над 50 години во документарната серија „Get Back“, која ги прикажува Битлси како пеат, танцуваат, се шегуваат, експериментираат со нови песни и ги решаваат своите кавги.

Во трошното лондонско студио, Пол работи на раната верзија на „I’ve Got a Feeling“, Јоко седи блиску до Џон, Џорџ се мачи да смисли стихови за „Something“, а Ринго жонглира со тапаните.

 

„Ова се Битлси какви што не сте виделе досега. Како човечки суштества“, рече Џексон, новозеландски режисер на „Господарот на прстените“ и обожавател на Битлси.

Првично снимени во текот на 22 дена во јануари 1969 година, овие ленти нудат сосема поинаков портрет на бендот од Ливерпул во месеците пред нивното распаѓање.

За разлика од перцепираната историја на Битлси каде што четворицата музичари повеќе не можеа да издржат да поминуваат време заедно, Џексон претстави „четири момци кои се пријатели и длабоко се почитуваат еден со друг“.

“Наместо да викаат и да се обвинуваат едни со други, тие едноставно се оддалечуваат.”, рекол Џексон.

Документарниот филм од три дела „The Beatles: Get Back“ ќе биде објавен на Дизни + во четврток, петок и сабота, овој месец, ноември.

Касетите беа снимени кога Пол Макартни, Џон Ленон, Џорџ Харисон и Ринго Стар се сретнаа за да напишат 14 песни, да снимат нов албум и да го договорат нивниот прв настап во живо по три години. Тој сега легендарен концерт на 30 јануари – на покривот на седиштето на корпусот на Apple во центарот на Лондон – беше нивниот последен.

Снимките првично беа планирани за пократок документарен филм – „Let It Be“ направен од Мајкл Линдзи-Хог, кој беше објавен во мај 1970 година, веднаш откако Макартни официјално го напушти бендот.

Слични написи

Мексиканката Ванеса Понце де Леон е новата Мис на светот

Biba

Осум работи што најверојатно не сте ги знаеле за Рами Малек

Biba

Терон Егертон е Елтон Џон во музичката фантазија “Rocketman”

admin

Овој сајт користи колачиња за подобрување на корисничкиот интерфејс. Прифати Прочитај

Почитувани! Не е дозволено копирање на текстови од Прекрасен свет.