Психологија

Навики кои ќе го подобрат вашето ментално здравје

Подобрувањето на менталното здравје може долго да трае, но тоа не значи дека мора да биде и тешко. Нашиот живот се создава низ навики кои стануваат рутина. Тоа значи дека можеме да го подобриме животот со воведување на уште подобри навики. Помислата дека може да се сменат навиките и да се промени животот на подобро е многу охрабрувачка за секој човек.

  • Креирајте рутина

Постоење на продуктивна рутина е добар начин за создавање на добри навики. За почеток почнете со креирање на рутина која ќе ве подготви за денот. Кога ќе успеете во тоа, создајте вечерна рутина која ќе ви помогне да се опуштите и да се подготвите за спиење. Важно е да создадете позитивен начин на размислување за да можете квалитетно да се наспиете.

  • Хранете се здраво

Здрава и правилна исхрана ќе ја подобри вашата благосостојба и вашето здравје. Целта е да јадете многу овошје, зеленчук, ореви, семки, легуминози, здрави масти и протеини. Избегнувајте преработена храна како што се рафинираните шеќери и алкохолот, и ограничете го внесот на кофеин. Храната навистина влијае на вашето расположение. Добра идеја е да следите како се чувствувате по внесување на одреден тип на храна.

  • Медитирајте

Медитацијата можеби ви изгледа досадна и тешка, а всушност е многу едноставна и влијае позитивно на вашиот ум и на телото. Може да медитирате само две минути дневно за да ја забележите разликата.

  • Вежбајте

Важно е да вежбате бидејќи така го подобрувате вашето здравје и расположение. Ако немате време за фитнес и други тренинзи, практикувајте брзо одење и јога (јогата може да се вежба и во домашни услови). Секоја физичка активност има големо влијание на менталното здравје.

  • Практикувајте афирмации

Секојдневно вежбајте позитивни афирмации. Оваа пракса ќе ви го смени животот. На почеток можеби ќе ви изгледа бесмислено бидејќи не верувате во вашите афирмации. Почнете, на пример, со реченицата “Јас сум среќна и здрава секој ден”.

  • Пишувајте дневник

Водењето дневник е одличен начин да ги испразните вашите мисли и чувства.

  • Бидете благодарни

Воведете пракса секојдневно да се заблагодарувате за она што го имате. Ова ќе спречи да се фокусирате на она што го немате, а за возврат ќе станете посреќни. Можеби на почеток ќе ви биде тешко да се заблагодарувате, но кога ќе почнете тоа да го правите почесто, ќе сфатите што сè имате.

Слични написи

Научете како да кажете НЕ

Biba

Осаменоста може да предизвика низа болести

Biba

Лутината е поштетна за здравјето на постарите луѓе отколку тагата

Biba

Овој сајт користи колачиња за подобрување на корисничкиот интерфејс. Прифати Прочитај

Почитувани! Не е дозволено копирање на текстови од Прекрасен свет.