Мик Шумахер, син на легендарниот возач на Формула 1 Михаел Шумахер, стана член на Академијата на Ферари.
Деветнаесетгодишниот Мик минатата година од втор обид успеа да ја освои титулата во Формула 3 и веќе оваа сезона вози во Формула 2, последното скалило пред влезот во големото шоу наречено Формула 1.
Малиот Шумахер оваа сезона ќе има двапати шанса да тестира болиди на Ферари, што не значи дека сепак во иднина ќе стане возач на Ферари.
Според предвидувањата на експертите, Мик Шумахер наскоро ќе го добие своето место во Формула 1, најдоцна до 2021 година.
Оваа сезона улогата на тест возач на Ферари ја има Паскал Верлејн, кој го замени Даниел Квијата поради заминување како возач за Торо Росо.