Потребни состојки:
Tесто:
- 6 јајца
- 6 лажици шеќер
- 6 лажици брашно
- 2 лажици млеко
- 1 прашок за печиво
- околу 1 кг праски (свежи или конзервирани)
Фил:
- 1 л битолско млеко
- 9 лажици шеќер
- 3 пудинзи од ванила
- 400 г битолска павлака
Начин на подготовка:
Тесто:
- Најпрво поделете ги белките од жолчките во два сада.
- Во жолчките ставете половина од количината шеќер и матете до побелување на смесата, па додајте го млекото.
- Во друг сад, со чисти маталки изматете ги белките додека не добиете снег и додајте го останатиот шеќер.
- Со лесни движења соединете ги двете смеси, додајте го брашно што претходно сте го просеале и прашокот за печиво.
- Смесата истурете ја во тава и печете во загреана рерна на 200 степени околу 15 минути. Оставете го колачот да се подизлади.
Фил:
- Додека тестото се лади, исечете ги праските на парчиња.
- Праските наредете ги врз тестото.
- Во сад сипете половина количина од млекото заедно со шеќерот да се загрева.
- Во остатокот од млеко растворете ги пудинзите.
- Соединете ги двете смеси и варете на умерен оган до згуснување. Смесата оставете ја настрана околу 10 минути и повремено промешувајте.
- Во топлиот пудинг додајте ја битолската павлака и соединете со миксер. Топлата смеса истурете ја врз наредените праски.
- Ставете го колачот да се лади во фрижидер најмалку 3 часа пред послужување.
- По желба, врз кремот може да ставите парчиња праски и шеќер во прав.