Потребни состојки:
1 чаша ореви (на половинки или крупно сечкани)
1/4 чаша шеќер
1 лажица путер
1/4 лажичка цимет (опционално)
Начин на подготовка:
- Во тавче на средна температура ставете ги оревите, шеќерот, путерот и циметот. Мешајте постојано додека да се стопат путерот и шеќерот, и оревите подеднакво да се покријат со карамелот (приближно пет минути, внимавајте да не изгорат).
- Префрлете ги оревите на хартија за печење и веднаш раздвојте ги со две виљушки (или во купчиња префрлете ги во хартиени калапчиња спремни за послужување).
- Сервирајте ги откако целосно ќе се оладат како благи грицки, додајте ги во овошни и солени салати, или ставете ги врз колачиња и торти како декорација или наместо глазура.
На здравје!