Слабеењето е секогаш тешка борба, а отежнува и фактот дека производителите на храна имаат пакувања и маркетинг што нездравата храна ја претставуваат како здрава.
Иако луѓето се обидуваат да живеат здраво, често во продавниците одбираат продукти што само изгледаат здраво, а всушност имаат многу калории и скриен шеќер.
Експертите издвоиле неколку продукти што би требало да ги избегнувате доколку сакате рамен стомак.
- Рафинирани житарки. Намирници како белиот леб, белиот ориз и разни печива, спаѓаат во категоријата на рафинирани житарки. Треба да знаете дека со обработката на овие продукти се отстрануваат влакната и другите хранливи материи, и заради тоа побрзо огладнуваме и повторно јадеме.
- Храна и пијалаци со додаден шеќер. Сосот за тестенини, овошни сокови и овошни јогурти, се производи што би требало да се избегнуваат. Произведувачите често додаваат шеќер во нив во облик на конзервиран сок, концентрат и фруктозно-пченкарен сируп. Храната и пијалаците со многу шеќер играат голема улога кога станува збор за дебелината и проблемите поврзани со неа. Ако се претера, дури и природните шеќери можат да доведат до дебелеење.
- Обработена храна. Обработената храна како пакувано месо, пакувани грицки и конзервирани пијалаци, исто содржат голема количина шеќер, сол и маснотии. Емулгаторите, конзервансите, аромите и боите даваат вкус, но и дебелеат.
- Печена и мрсна храна. Во оваа категорија спаѓаат бургерите, помфритот, пржено пилешко, пица. Оваа храна најчесто ја консумираме надвор од домовите, каде што се користи лошо и нездраво масло за готвење. Освен дебелеење, може да предизвика и развој на дијабетес тип 2, како и кардиоваскуларни проблеми.
- Алкохол. Поголемиот дел од луѓето не го знаат влијанието на алкохолот врз телесната тежина. Повремено консумирање не пречи, но претерувањето може да доведе до дебелеење.
- Замрзнати јадења. За да остане храната подолго свежа и употреблива, производителите најчесто ставаат натриум и конзерванси. Вишокот на натриум прави во телото подолго да се задржува водата која ви ја зголемува тежината.