Полека но сигурно, возилата со дизел мотори ќе бидат протерувани од градовите низ Европа. Тоа го најавија градоначалниците на Париз, Мадрид, Атина, и наведоа дека до 2025 година на возилата со дизел агрегати потполно ќе им се забрани влез во центарот на градовите. На таквата идеја и пристап се приклучија и Британците кои изјавија дека на автомобилите со дизел мотори ќе им се наплаќа влез во центарот на 35 градови.
Британската влада отиде и чекор понатаму и воведе опција која на сопствениците на постари дизел возила им нуди еднократно неповратни средства во износ од 2000 фунти за замена на својот автомобил со бензински или хибриден модел.
Дури и Германија почнува со чекори за борба со дизел моторите и најави зголемување на давачките, со истовремено стимулирање за купување на хибридни и електрични возила.