На денешниот натпревар од седмото коло од Првата македонска ракометна лига помеѓу РК Преспа и РК Работнички, ракометарите од обете екипи покажаа доста возбудлива и квалитетна игра. Иако на полувремето резултатот беше нерешен 15:15, крајот ја додели победата на ракометарите на РК Работнички со предност од 4 гола и резултат 25:29.
Низ целиот натпревар и двете екипи се бркаа со резултатот, РК Работнички поведе со 3 гола разлика, а на моменти разликата беше и 5 гола, за на полувремето ракометарите да отидат на пауза со нерешен резултат. Второто полувреме исто така беше прилично динамично, но квалитетот и упорноста на играчите на РК Работнички доведе до победа на скопјаните.
За РК Работнички головите ги дадоа: Никола Димитров 7 голови, Олег Кумогородски 6 голови, Христијан Милошевски 6 голови, Стефан Николовски 5 голови, Дмутро Полиак 2 гола, Кристијан Анастасовски 2 гола и Бојан Љубевски 1 гол. Да не ги заборавиме и останатите заслужни за денешната победа во Ресен. Комплетниот тим на денешниот натпревар се вложија максимално и продуцираа уште една победа за РК Работнички, и со тоа дојдоа чекор поблиску до Супер лигата.
За РК Преспа головите ги дадоа: Филип Шиклевски 8 голови, Илија Јошевски 4 голови, Никола Тасевски 3 голови, Џанер Шабединовски 3 голови, Иво Андоновски 3 голови, Николче Даскаловски 2 гола, Кире Башевски 1 гол и Димитар Савевски 1 гол.