Алкохолот ги зајакнува симптомите на алергија, па на лицата кои страдаат од алергии им се препорачува умрено уживање во пивото, виното и другите алкохолни пијалаци, предупредуваат германски научници.
Алкохолот предизвикува поголема пропустливост на слузницата, ја зголемува прокрвеноста на кожата и предизвикува црвенило на образите. Истовремено, оваа пропустливост на слузницата го олеснува продорот на алергени во крвотокот и ги влошува алергиските симптоми.
Освен тоа, алкохолот содржи хистамини, односно органски соединенија кои предизвикуваат алергиска реакција, објаснуваат лекарите.
Алкохолните пијалаци го зголемуваат нивото на хистамин во телото, а особено треба да бидете внимателни со црното вино, бидејќи содржи повеќе хистамин од пивото, белото вино и пенливото вино.