Select Page

Шефувањето може да има сериозни психофизички последици

Шефувањето може да има сериозни психофизички последици

Вработените на повисоки работни позиции заради стресот можат да очекуваат мигрени, киселини во желудникот, анксиозност, замор и бројни други проблеми.

Да се биде раководител или шеф најчесто значи повеќе пари, повеќе одговорност, повисок статус, предизвици, поголема автономија, но исто така и зема данок од физичкото и менталното здравје, предупредуваат канадските научници.

Студијата во која учествувале 1800 шефови покажала дека вработените на повисоки позиции се почесто изложени на конфликти со другите работници и дека редовно носат работа дома.

“Кога не би биле толку често изложени на конфликти со соработниците и кога работата не би им се мешала во приватниот живот, шефовите би имале значително помалку психички и физички последици од работата”, објаснува Скот Шиман од Универзитетот на Торонто.

Меѓу физичките последици од “шефувањето”, како последици од стресот, се јавуваат мигрени, киселини во стомакот и замор. Психолошките последици од таквата работа вклучуваат проблеми со спиењето, потешкотии со концентрацијата, депресија, анскиозност, вознемиреност и чувства на тегобност и загриженост.

Наши пријатели

Патување низ времето

Почитувани! Не е дозволено копирање на текстови од Прекрасен свет.