Потребни состојки:
4 чаши овесни снегулки
1 1/4 чаши шеќер
1/2 чаша какао
1 чаша омекнат путер или маргарин
2 лажици сварено јако кафе
1 лажичка екстракт од ванила
30 г чоколадо за готвење
Начин на подготовка:
- Во длабок сад измешајте ги овесните снегулки, шеќерот и какаото. Додајте го омекнатиот путер и мешајте (може да мешате со рака) додека да добиете густо “тесто”. Додајте ги кафето, ванилата и стопеното чоколадо и повторно измешајте, да добиете еднолична смеса.
- Од смесата формирајте бомбици кои ќе ги валкате во кокос, мелени/сечкани ореви или лешници, шеќер (кристал или во прав), чоколадни трошки или нешто друго по ваш вкус.
- Бомбиците може да ги сервирате веднаш или ставете ги 2 часа во фрижидер да станат поцврсти, па потоа сервирајте ги.
На здравје!