Ублажете ги главоболките со етерични масла

 

Ако страдате од главоболки на кои не им се знае точната причина, веројатно постојано со себе носите лекови за ублажување на болките и сте во константна потрага по замена на аналгетиците со некаква поздрава варијанта. Добра опција за вас може да бидат етеричните масла, кои имаат силно влијание врз организмот и можат да помогнат со цела низа здравствени проблеми, вклучувајќи ги и главоболките.

Ако се одлучите за терапија со есенцијални масла, секогаш користете фармацевтски чисти и сертифицирани масла кои се малку поскапи од обичните ароматични масла.

За различните типови на главоболка, користете различен тип на ароматично масло:

  • Тензиска главоболка: нане. Според некои истражувања, маслото од нане ја намалува тензиската главоболка (настаната заради недоволно спиење, глад, лошо држење на телото, стрес, пушење, некои видови на храна, алкохол). Помешајте 5 капки етерично масло од нане со 15 капки друго растително масло (кокосово, маслиново, јојоба или некое друго ладно цедено масло) и втријте го во вратот и во рамењата со масирање. Истовремено може и да го вдишувате, така што ќе капнете неколку капки на чисто марамче и ќе го вдишувате 2-3 минути. Овој третман би требало да ја намали главоболката за 10-15 минути.
  • Главоболка предизвикана од стрес: лаванда, темјан, нероли, цитруси. Вдишувањето на етерични масла докажано го смирува ритамот на срцето, го намалува крвниот притисок и нивото на кортизол во крвта, што се симптоми на стрес. Исто така ги ублажува и главоболките предизвикани од стрес. Капнете неколку капки некое од овие масла на марамче и вдишувајте го полека и длабоко. Маслото од нероли е најскапо од наведените, но и најефикасно кај симптомите на стрес.
  • Мигрена: лаванда. Лавандата има многу благотворни ефекти врз организмот, а еден од нив е и ублажувањето на главоболките предизвикани од мигрена. Капнете неколку капки масло од лаванда на марамче и полека вдишувајте го околу 15 минути. Може и да капнете 1 капка масло од лаванда во една лажица крем за лице без мирис и со неа да го масирате челото и образите.
  • Главоболки предизвикани од хормонални промени: гераниум. Промената во нивото на хормоните, посебно падот на естрогенот, може да предизвика чести главоболки кај некои жени. Помешајте една капка масло од гераниум со една лажица некое растително масло и со него масирајте го стомакот со кружни движења. Истовремено може и да вдишувате од маслото преку марамче или да направите купка со 8 капки гераниум во када со вода.
  • Сите останати “неидентификувани” главоболки: мешавина од масла. Ако ве мачи главоболка на која не можете да ѝ го одредите потеклото, а сигурни сте дека не е предизвикана од конкретна болест, направете микс од масла на рузмарин, нане и лаванда. Користете ја како и другите масла, за масажа на главата во комбинација со некое растително масло или со мирисање.

 

Копирањето на содржината е забрането!